ഒടുവിൽ തങ്ങളുടെ നേതാവിന്റെ മരണ വാർത്ത സ്ഥിരീകരിച്ച് ഹിസ്ബുള്ള. ഇന്നലെ നടന്ന വ്യോമാക്രമണത്തിൽ നസ്രുള്ള കൊല്ലപ്പെട്ടതായി ലെബനീസ് ഗ്രൂപ്പ് ഒരു പ്രസ്താവനയിൽ സ്ഥിരീകരിച്ചു.
നസ്രുള്ളയുടെ കൊലപാതകത്തിൽ ഇറാൻ മൂന്ന് ദിവസത്തെ ദുഃഖാചരണം പ്രഖ്യാപിച്ചു. ചെറുത്തുനിൽപ്പിൻ്റെ നേതാവായ ഹസൻ നസ്റല്ലയുടെ മഹത്തായ പാത തുടരുമെന്നും, ദൈവം ആഗ്രഹിക്കുന്ന ഖുദ്സിൻ്റെ (ജറുസലേമിൻ്റെ) വിമോചനത്തിൽ അദ്ദേഹത്തിൻ്റെ വിശുദ്ധ ലക്ഷ്യം സാക്ഷാത്കരിക്കപ്പെടുമെന്നും വിദേശകാര്യ മന്ത്രാലയ വക്താവ് നാസർ കനാനി എക്സിൽ അനുശോചനം രേഖപ്പെടുത്തി.
ഹസൻ നസ്രുള്ള കൊല്ലപ്പെട്ടതായി സ്ഥിരീകരിച്ചതിനെ തുടർന്ന് പ്രധാനമന്ത്രി ഷിയ അൽ സുഡാനി ഇറാഖിലുടനീളം മൂന്ന് ദിവസത്തെ ദുഃഖാചരണം പ്രഖ്യാപിച്ചു.
1960-ൽ ബെയ്റൂത്തിൽ ജനിച്ച ഹസൻ നസ്രുള്ള, 1992-ൽ 32 ആം വയസ്സിൽ ഹിസ്ബുള്ളയുടെ സെക്രട്ടറി ജനറൽ സ്ഥാനം ഏറ്റെടുത്തു.
ഹിസ്ബുള്ള നേതാവ് 39-കാരനായ സയ്യിദ് അബ്ബാദ് അൽ-മുസാവിയെ തെക്കൻ ലെബനനിൽ ഹെലികോപ്റ്റർ റെയ്ഡിൽ ഇസ്രായേൽ കൊലപ്പെടുത്തി രണ്ട് ദിവസത്തിന് ശേഷമായിരുന്നു ഇത്.
18 വർഷത്തെ അധിനിവേശം അവസാനിപ്പിച്ച് 2000-ൽ തെക്കൻ ലെബനനിൽ നിന്ന് ഇസ്രായേലിനെ തുരത്തിയപ്പോൾ നസ്രുള്ള ഹിസ്ബുള്ളയെ നയിച്ചു.
2006-ൽ 34 ദിവസം ഇസ്രായേലുമായി വീണ്ടും യുദ്ധം ചെയ്തു. ഈ യുദ്ധത്തിൽ രണ്ടു കൂട്ടരും വിജയം അവകാശപ്പെട്ടെങ്കിലും, ഹിസ്ബുള്ള ഇസ്രായേലിനെ പരാജയപ്പെടുത്തിയതായിട്ടാണ് വ്യാപകമായി കരുതപ്പെടുന്നത്.
പ്രസിഡൻ്റ് ബഷാർ അൽ അസദിനെ പിന്തുണച്ച് ഹിസ്ബുള്ള പോരാളികളെ സിറിയയിലേക്ക് അയച്ചതിന് ശേഷം അറബ് ലോകത്ത് പലരുടെയും വിമർശനങ്ങൾ നസ്രുള്ളയ്ക്ക് നേരിടേണ്ടി വന്നു.
സുരക്ഷാ കാരണങ്ങളാൽ വർഷങ്ങളായി നസ്രുള്ള പൊതുവേദികളിൽ പ്രത്യക്ഷപ്പെട്ടിരുന്നില്ല. സെപ്തംബർ 19-ന് ഇസ്രയേലിൽ നിന്നുള്ള ആക്രമണത്തോട് പ്രതികരിച്ചതായിരുന്നു അദ്ദേഹത്തിൻ്റെ അവസാന സന്ദേശം.
വിവാഹിതനും നാല് കുട്ടികളുടെ പിതാവുമായിരുന്നു നസ്രുള്ള
https://whatsapp.com/channel/0029Vaiawe4Elagm2wyOzH2Q