ഇന്നലെ ജിദ്ദ ഇന്റർനാഷണൽ മാർക്കറ്റിൽ ഉണ്ടായ തീപിടിത്തം നിയന്ത്രിക്കുന്നതിനിടെ അഗ്നിശമന സേനയിലെ രണ്ട് ജവാന്മാർ വീരമൃത്യു വരിച്ചു..
അക്രം ജുമാ അൽ ജുഹാനി, അബ്ദുല്ല മനാഹി അൽ സുബൈ എന്നിവരാണ് ആളിപ്പടർന്ന തീയണക്കുന്നതിനിടെ അപകടത്തിൽ പെട്ടതെന്ന് സിവിൽ ഡിഫൻസ് അറിയിച്ചു.
രക്ഷാ ദൗത്യത്തിനിടെ ജവാന്മാർ വീരമൃത്യു വരിച്ച സംഭവത്തിൽ ജനറൽ ഡയറക്ടറേറ്റ് ഓഫ് സിവിൽ ഡിഫൻസ് അനുശോചനം രേഖപ്പെടുത്തി.
ഇന്നലെ (ഞായറാഴ്ച) പ്രഭാത പ്രാർത്ഥനയ്ക്ക് മുമ്പ് ഗേറ്റിൽ നമ്പർ നാലിൽ നിന്ന് ആരംഭിച്ച തീ പിന്നീട് മാർക്കറ്റിൻ്റെ ഭൂരിഭാഗം സ്ഥലങ്ങളിലേക്കും ആളിപ്പടരുകയായിരുന്നു.
സുരക്ഷാ അധികാരികളും സിവിൽ ഡിഫൻസ് ടീമുകളും ചുറ്റുമുള്ള തെരുവുകൾ അടച്ച് മാർക്കറ്റിന് ചുറ്റും സുരക്ഷാ വലയം ഏർപ്പെടുത്തി തീ സമീപത്തുള്ള കെട്ടിടങ്ങളിലേക്ക് പടരുന്നത് നിയന്ത്രിച്ചു.
പഴയ കെട്ടിടമായതുകൊണ്ട് തന്നെ പതിനാല് മണിക്കൂറിലധികം നീണ്ട പരിശ്രമത്തിനൊടുവിലാണ് സിവിൽ ഡിഫൻസിന് തീ പൂർണ്ണമായും അണക്കാൻ കഴിഞ്ഞത്.
മലയാളികൾക്കടക്കം വ്യാപാര സ്ഥാപങ്ങൾ ഉള്ള, ജിദ്ദയിലെ ഏറ്റവും പഴയ വ്യാപാര കേന്ദ്രങ്ങളിൽ ഒന്നാണിത്. 40 വർഷത്തിലേറെ പഴക്കമുണ്ട്.
https://whatsapp.com/channel/0029Vaiawe4Elagm2wyOzH2Q