തുടർച്ചയായി രണ്ടു ദിവസങ്ങളിൽ ലബനൻ ജനതക്ക് നേരെ നടന്ന ആക്രമണങ്ങളുടെ പശ്ചാത്തലത്തിൽ ജനങ്ങളെ അഭിസംബോധന ചെയ്ത് ഹിസ്ബുള്ള നേതാവ് നസ്റുള്ള.
ചൊവ്വ, ബുധൻ ദിവസങ്ങളിൽ ഹിസ്ബുള്ള ഉരുപയോഗിച്ചിരുന്ന പേജറുകളിലും വാക്കി-ടോക്കികളിലും നടന്ന മാരകമായ സ്ഫോടനങ്ങൾക്ക് നസ്റുള്ള ഇസ്രായേലിനെ കുറ്റപ്പെടുത്തി, ഇരകളിൽ സാധാരണക്കാരും ഉണ്ടെന്ന് അദ്ദേഹം പറഞ്ഞു.
എല്ലാ അതിർവരമ്പുകളും മറികടന്നുകൊണ്ട് ഇസ്രായേൽ നടത്തിയ കൂട്ടക്കൊലയെ, യുദ്ധ പ്രഖ്യാപനമെന്നാണ് നസ്റുള്ള വിശേഷിപ്പിച്ചത്. സ്ഫോടനങ്ങൾ കഠിനമായ പ്രഹരമാണെങ്കിലും ഹിസ്ബുള്ളയുടെ അടിസ്ഥാന സൗകര്യങ്ങൾക്ക് യാതൊരു തരത്തിലുള്ള പ്രഹരവുമേൽപ്പിക്കാൻ ഇസ്രായേലിന് കഴിഞ്ഞിട്ടില്ല എന്ന് അദ്ദേഹം പറഞ്ഞു.
എങ്ങനെയാണ് ആക്രമണം നടത്തിയതെന്ന് ഹിസ്ബുള്ള അന്വേഷിച്ചുവരികയാണെന്നും എന്നാൽ ഇസ്രായേൽ “പ്രതീക്ഷിക്കുന്നിടത്തും അല്ലാത്തിടത്തും ശിക്ഷ അനുഭവിക്കുമെന്നും” അദ്ദേഹം മുന്നറിയിപ്പ് നൽകി.
ഗാസ മുനമ്പിലെ ഇസ്രായേലിൻ്റെ ഏതാണ്ട് 12 മാസത്തെ യുദ്ധം അവസാനിക്കുന്നതുവരെ ഇസ്രായേലിനെതിരായ ഹിസ്ബുള്ളയുടെ പോരാട്ടം തുടരുമെന്നും നസ്റുള്ള ഓർമ്മിപ്പിച്ചു.
ഇസ്രയേലിൻ്റെ സൈന്യവും ഹിസ്ബുള്ളയും തമ്മിലുള്ള അതിർത്തി കടന്നുള്ള വെടിവെയ്പിൽ പലായനം ചെയ്ത ആയിരക്കണക്കിന് ഇസ്രായേലികളെ അവരുടെ വീടുകളിലേക്ക് തിരികെ കൊണ്ടുവരുമെന്ന ഇസ്രായേൽ ഉദ്യോഗസ്ഥരുടെ പ്രതിജ്ഞകളെക്കുറിച്ചും നസ്റുള്ള പരാമർശിച്ചു.
ഇസ്രായേൽ സൈനികർ തെക്കൻ ലെബനനിലേക്ക് പ്രവേശിക്കുമെന്ന് ഹിസ്ബുള്ള പ്രതീക്ഷിക്കുന്നതായും, അത് തങ്ങൾക്ക് ചരിത്രപരമായ അവസരം സൃഷ്ടിക്കുമെന്നും അദ്ദേഹം പറഞ്ഞു.
https://whatsapp.com/channel/0029Vaiawe4Elagm2wyOzH2Q